کؤلگه
ته له سیر تکلیگیم سس سـیز
اُتـاقـدا
دولانـیـر بئـینـیمده
دوغوم سانجیـسی
سؤیکه نیب دووارا یورقون بـیر
کؤلگـه
سـاپلانـیـب گـؤزونـه کـدر
دامجیسی
آسلانمیش
تـقویـمده قالیب گؤزلری
گونـلر دوستاغـیـندا نـه
یـی ایتیبدیر
بیر گون منلیگیـنـی پایلاشـان
گونـلر
ایـندی نومره لرده هـارا
یـئتـیـبـدیر
بیریسی سس سیزجه دولوب گؤزونـه
اوغـرو تک فـیکرینی الیـندن
قاپـیب
قـوجا هؤرومجک تک سانکی یـاداشی
ایتمیش خاطیره دن پـرده
لـر تاپـیب
او دوغوم گونـو دور ، بـاشـی
بلالـی
هر ایل
بیر نومره ده پوفله دیی شام
آنـجاق منلیگینی
یاددان چیخاردیب
بیری عؤمور
اولوب ، بیریسی یاشام
...
سلام دوغوم گونوم ، سلام
قارداشیم
نـدن دیـنمز اولدون مـنی
گـؤرنـده
دانیش،دیندیر،آخی،لال
باخیشلارین
آرتیق
اؤگـئی له دیر سنی گـؤرنـده
بیلمیرم
گؤرورسن یا یوخ،بو سنسن
ایل
بـه ایل اوستونـه درد قالانـیبدیر
یادداشین
اونودان بیر کؤلگه دیرکی
کئـچمیشی
تـقویـمده دالدالانـیـبدیر
هر ایل بـیر نمره ده
چاتمیسان باشا
چاغلارین
کئچمیشین هئچ اینانمامیش
زامان
ساندیقجاسین آچیق گؤرمه ده
اوغرولار
سـایاغی هئـچ یوبانمامیش
گیـلئیـلی
دئیـلم ، بـیـلـیـرسن بـونـو
هر
ایل تکرارینلا ، شن سویولـموشام
سانکی
باش گؤتوروب گئدیب یییه سی
یاغمالاشمیش
ائو تک بوش قویولموشام
گؤوده
سیز کؤلگه یه دؤنموشم ایندی
دییه
سن گئجه دیر ، نه تئز گئج اولدو
گؤرَن
گئدیشیمله هانسی نومره نین
دیلی
تـوتولوب آن گـؤزلری دولدو
داریـخما
، اَیـنـیـندن سـیلیـنـیرم من
فیکریمی
بئینیندن آت یاواش یاواش
گئـجـه
نـین یوخوسو ته له سیر سنی
بیر
ناغیل دئییرم یات یاواش یاواش
بـیـریـسی واریـدی ،
بـیـری یـوخودو
اولدون ، اؤلدون ، قالدی
قارا گییه نین
بـوتـون
آغـاجلاردا اوچ آلـما بـیـتـدی
بـاشـیـنا
دوشدولر نـاغیـل دیـیـه نین
|
+| نوشته شده توسط
رسول اسمعیلیان در یکشنبه هشتم خرداد 1390
|
